ព័ត៌មានក្នុងប្រទេស « កោះធំសូមស្វាគមន៍…!

រដូវបិទនេសាទ ខែសីហា 23, 2009

Posted by Bona in ព័ត៌មានក្នុងប្រទេស.
5 comments

រួមគ្នាការពារមច្ឆាជាតិ

សេចក្ដីជូនដំណឹង ខែសីហា 28, 2008

Posted by Bona in ព័ត៌មានក្នុងប្រទេស.
add a comment

វិទ្យាស្ថានពុទ្ធសាសនបណ្ឌិត្យមានកិត្តិយសសូមជូនដំណឹងដល់សារធារណៈជន ឲ្យបានជ្រាបថា វិទ្យាស្ថានបានធ្វើវចនានុក្រមខ្មែរ (សម្ដេចព្រះសង្ឃរាជ ជួន ណាត) ដែលបានបោះពុម្ពលើកទី ៥ ឆ្នាំ ១៩៦៧ ជាកម្មវិធីកុំព្យូទ័រដែលមានការកែលម្អរចំណុចមួយចំនួន ។ កម្មវិធីនេះអាចដំណើរការបាននៅលើម៉ាស៊ីន Window XP និង Vista ដោយប្រើប្រាស់ខ្មែរយូនីកូដ។ លោកអ្នកអាចអញ្ជើញមកចុះឈ្មោះយកកម្មវិធីនេះដោយឥតគិតថ្លៃ រឺអាចទាញយកកម្មវិធីនេះពីក្នុងគេហទំព័ររបស់វិទ្យាស្ថានយើង ។

Please click this link to download Khmer Dictionary in .rar format

ទាហានសៀមចូលលុកលុយដីខ្មែរនៅតំបន់«ជប់ត្រឡោក» ក្បែរប្រាសាទតាមាន់ ខែសីហា 25, 2008

Posted by Bona in ព័ត៌មានក្នុងប្រទេស.
add a comment

ដោយ សាវយុត

2008-08-24

មន្រ្តី យោធាខ្មែរបានអះអាងថា កងទាហានឈុតខ្មៅថៃមួយក្រុមបានព្យាយាមចូលកាន់កាប់ទឹកដីខ្មែរមួយ កន្លែងទៀត នៅតំបន់ភាគខាងលិចនៃភូមិជប់គគីរ ក្នុងឃុំបន្ទាយអំពិល ស្រុកបន្ទាយអំពិល ខេត្តឧត្ដរមានជ័យ កាលពីពេលថ្មីៗនេះ។

RFA file photo/Chea Makara

ទាហាន ខ្មែរ (ខាងស្ដាំ) និយាយទៅកាន់ទាហានថៃ នៅក្រៅប្រាសាទតាមាន់ធំ ក្នុងស្រុកបន្ទាយអំពិល ខេត្តឧត្ដរមានជ័យ នាថ្ងៃទី៨ សីហា ២០០៨។ មន្ត្រីយោធាខ្មែរនាថ្ងៃទី ២៤ សីហា ២០០៨ បានឲ្យដឹងថា មានទាហានថៃចូលក្នុងដីខ្មែរនៅតំបន់ជប់ត្រឡោក ដែលនៅមិនឆ្ងាយប៉ុន្មានពីប្រាសាទតាមាន់របស់ខ្មែរ។

មេបញ្ជាការកងវរសេនាតូចលេខ ៤២២ របស់កងយោធពលខេមរភូមិន្ទ ដែលកំពុងគ្រប់គ្រងកងទ័ពជិតតំបន់ប្រាសាទតាមាន់ លោក ប៉ុល ថេន បានមានប្រសាសន៍ឲ្យដឹងកាលពីព្រឹកថ្ងៃអាទិត្យ ទី២៤ សីហា ថា តាមលោកទទួលព័ត៌មានថា កងទាហានថៃឈុតខ្មៅមួយក្រុម បានចូលមកបោះទីតាំង នៅតំបន់ច្រកជប់ត្រឡោក នៃទឹកដីខ្មែរ ដោយមានជីកលេណដ្ឋានត្រៀមប្រយុទ្ធផង។

លោក ប៉ុល ថេន មានប្រសាសន៍ដូច្នេះថា ៖ «ច្រកជប់ត្រឡោក នៅខាងលិចជប់គគីរ តាមរបាយការណ៍ វាបោះទីតាំង ហើយជីកលេណដ្ឋានអី ជុំវិញហ្នឹង។ ពួកហ្នឹងវាបញ្ជាក់មកថា ពីម្សិលមិញ»។

ប្រជាពលរដ្ឋដែលរស់នៅភូមិជប់គគីរខាងលិច ឃុំអំពិល ស្រុកបន្ទាយអំពិល បានមានប្រសាសន៍ឲ្យដឹងថា តំបន់ច្រកជប់ត្រឡោកមានចម្ងាយប្រមាណ ១៨០០ម៉ែត្រ ភាគខាងលិច នៃភូមិជប់គគីរខាងលិចប៉ុណ្ណោះ។

ប្រជាពលរដ្ឋដដែលបានអះអាងថា កាលពីមុនកើតបញ្ហានៅប្រាសាទតាមាន់ តំបន់ជប់ត្រឡោក ត្រូវបានប្រជាពលរដ្ឋខ្មែរដើរឆ្លងទៅធ្វើការក្នុងទឹកដីថៃ និងធ្លាប់ដើរច្រូតស្បូវនៅទីនោះ ៖ «ជប់ត្រឡោក នៅតំបន់នោះ យើងធ្លាប់ដើរធ្វើការឆ្លងកាត់ទៅឡាក់២៦។ ទ័ពឈុតខ្មៅ រារាំងផ្លូវនោះ មិនឲ្យខ្មែរយើងដើរកាត់។ វាចេញមកកាក់នៅខាងមុខ វាមិនឲ្យយើងចូល»។

បញ្ហាជាប់គ្នានេះដែរ នៅតំបន់ប្រាសាទតាមាន់ ក្នុងស្រុកបន្ទាយអំពិល ខេត្តឧត្ដរមានជ័យដដែល មេបញ្ជាការយោធាខ្មែរជាន់ទាបមួយរូបប្រចាំតំបន់នោះ បានមានប្រសាសន៍កាលពីព្រឹកថ្ងៃអាទិត្យ ថា កងទាហានថៃ បានជូនដំណឹងមកកងទ័ពខ្មែរអំពីការស្នើសុំបិទទ្វារច្រកចូលប្រាសាទ តាមាន់ សម្រាប់ថ្ងៃសៅរ៍ និងថ្ងៃអាទិត្យជាបណ្ដោះអាសន្ន ដោយហេតុផលថា មេបញ្ជាការរបស់គេមិននៅ។

មន្រ្តីយោធាខ្មែរដដែល បានឲ្យដឹងទៀតថា ការស្នើសុំបិទច្រកប្រាសាទតាមាន់នេះ បានធ្វើឡើង បន្ទាប់ពីមានបញ្ហាកើតឡើង ដោយកងទាហានឈុតខ្មៅថៃ បានចាប់យកឧបករណ៍ផែនទី GPS របស់មន្រ្តីក្រសួងវប្បធម៌និងវិចិត្រសិល្បៈរបស់ខ្មែរទៅបំផ្លាញ ចោល។

ចំណែកស្ថានការណ៍ប្រឈមមុខដាក់គ្នាដោយកងទ័ពខ្មែរ-ថៃ ខ្សែត្រៀមជួរមុខជិតប្រាសាទព្រះវិហារ ត្រូវបានគេដឹងថា គ្មានអ្វីផ្លាស់ប្តូរទៅរកភាពប្រសើរនៅឡើយទេ ដោយសារកាលកំណត់នៃការដកកងទ័ពទាំងសងខាងចេញពីតំបន់ជម្លោះព្រំដែន ត្រូវបានជាប់គាំង។

មេបញ្ជាការកងពលអន្តរាគមន៍លេខ ១២ ដែលកំពុងគ្រប់គ្រងកងទ័ពខ្មែរនៅទីនោះ លោកឧត្ដមសេនីយ៍ទោ ស្រី ឌឹក បានមានប្រសាសន៍ថា ការប្រឈមមុខដាក់គ្នារវាងកងទ័ពខ្មែរនិងទាហានឈុតខ្មៅប៉ារ៉ារបស់ ថៃនោះ គឺនៅតែដដែល ៖ «ដូចលើកមុនហ្នឹង នៅដដែល គេមិនទាន់ទៅផង។ ចាំមើលថ្ងៃ ២៩»។

ទាំងយោធាខ្មែរនិងថៃ ដែលកំពុងប្រឈមមុខដាក់គ្នារយៈពេល ៤១ថ្ងៃ មកហើយ គឺនៅតែបន្តរង់ចាំដំណោះស្រាយនៃកិច្ចជួបចរចារវាងមន្រ្តីរដ្ឋាភិបាល ទាំងពីរ ដែលគ្រោងនឹងធ្វើឡើងនៅថ្ងៃទី២៩ ខែសីហា ខាងមុខនេះទៀត៕

Lightning Kills High Number This Season ខែសីហា 19, 2008

Posted by Bona in ព័ត៌មានក្នុងប្រទេស.
add a comment

By Seng Ratana, VOA Khmer
Original report from Phnom Penh
18 August 2008

At least two people were killed by lightning strikes in Phnom Penh
last week, police said.

Weather experts are warning citizens to take extra precautions during this rainy season, with a high number of deaths reported from lightning strikes in the city and the countryside.

Long Saravuth, director of the department of meteorology of the Ministry of Water Resources, said Monday the ministry has distributed an information booklet to help people in rural areas protect themselves from lightning.

At least two people died in Phnom Penh this week when they were hit by lightning, police said.

“We cannot prevent lightning strikes, but we can protect ourselves from them,” Long Saravuth said.

By June, 35 people were killed by lightning, according to Disaster Management Committee figures, with much of the rainy season remaining. Last year, a total of 40 people died from lightning for the whole year.

In Cambodia, lightning strikes happen most in the provinces around the Tonle Sap lake, where conditions create turbulent cumulonimbus clouds, making lightning more common, Long Saravuth said.

In the city, lightning rods are used to protect people, he said, but these are not installed in the countryside.

In rural areas, when people walk in the open, they are the highest point around them and attract to lightning.

In the city, residents should ensure they have their houses properly wired and lightning rods installed. In the countryside, people should avoid working in fields during lightning storms. They should also avoid taking shelter directly under tall trees.

During a storm, people should remain at least 4 meters from tall trees, and they should avoid holding metal instruments, such as shovels or sickles.

The ministry plans to install lightning absorbing equipment around the Tonle Sap lake, which can help alleviate lightning and protect people in a 40-kilometer perimeter, but funds are not available to do so.

Nhim Vanda, vice president of the Disaster Management Committee, said it was difficult to prevent lightning in rural areas, because it can happen anywhere with no advance warning.

For Bor Savy, official warnings come too late. Her brother, Bor Thum, died this year in Kampong Cham province when he was hit by lightning as he dug in a canal during a storm.

Now, her family takes precautions by turning off the television and telephones during a storm.

ខ្មែរនិងសៀមយល់ព្រមកាត់បន្ថយកងទ័ពនៅតំបន់ប្រាសាទព្រះវិហារ ខែសីហា 15, 2008

Posted by Bona in ព័ត៌មានក្នុងប្រទេស.
add a comment

ដោយ ជា មករា

2008-08-14

មន្ត្រី យោធាជាន់ខ្ពស់ខ្មែរបានប្រាប់អ្នកកាសែតនៅថ្ងៃព្រហស្បតិ៍ ទី១៤ សីហា ថា ភាគីខ្មែរនិងភាគីថៃបានយល់ព្រមកាត់បន្ថយចំនួនកងទ័ពដែលឈរជើងនៅ តំបន់ប្រាសាទព្រះវិហារ និងវត្តកែវសិក្ខាគិរីស្វារៈ ហៅវត្តប្រាសាទព្រះវិហារនោះហើយ ។

AFP Photo

ទាហាន ខ្មែរអង្គុយជាមួយទាហានថៃនៅលើផ្លូវឆ្ពោះទៅវត្តមួយ នៅក្បែរប្រាសាទព្រះវិហារ ជាប់ព្រំដែនថៃក្នុងខេត្តព្រះវិហារ នាថ្ងៃទី ១៧ កក្កដា ២០០៨ ។

រដ្ឋលេខាធិការក្រសួងការពារជាតិ ឧត្តមសេនីយ៍ នាង ផាត បានមានប្រសាសន៍ថាការយល់ព្រមកាត់បន្ថយចំនួនកងទ័ពនោះត្រូវបាន ធ្វើឡើងក្នុងកិច្ចប្រជុំកាលពីថ្ងៃពុធ រវាងមន្ត្រីយោធានៃប្រទេសទាំងពីរនៅឯខេត្តសូរិន្ទ ដើម្បីចៀសវាងការប្រឈមមុខដាក់គ្នាខាងផ្នែកយោធា ។

លោកឧត្តមសេនីយ៍ នាង ផាត បានមានប្រសាសន៍បញ្ជាក់ថាការកាត់បន្ថយចំនួនកងទ័ពនៅជុំវិញតំបន់ ប្រាសាទព្រះវិហារនោះនឹងត្រូវធ្វើឡើងឲ្យបានមុនកិច្ចប្រជុំរវាង មន្ត្រីការបរទេសនៃប្រទេសទាំងពីរ ដើម្បីដោះស្រាយបញ្ហាព្រំដែនដែលនឹងត្រូវប្រព្រឹត្តទៅនៅហួហ៊ីន ប្រទេសថៃ នាថ្ងៃច័ន្ទនិងថ្ងៃអង្គារដើមសប្ដាហ៍ក្រោយនេះ ។

លោកឧត្តមសេនីយ៍ នាង ផាត បានមានប្រសាសន៍ថា ៖ «ការកែសម្រួល កម្លាំងដូចបានព្រមព្រៀងគ្នាខាងលើ នឹងត្រូវធ្វើឲ្យចប់សព្វគ្រប់នៅមុនថ្នាក់រដ្ឋមន្ត្រីប្រជុំនា ថ្ងៃទី១៨ ហើយខ្ញុំមិនដឹងថាថ្ងៃណាទេ បើថាមុនថ្ងៃទី១៨ អាចថ្ងៃ ១៦ ១៧ អីអ៊ីចឹង ។ ដូច្នេះមុនថ្ងៃ ១៨ ធ្វើឲ្យចប់សព្វគ្រប់ ដែលខ្ញុំបានលើកឡើងថាកែសម្រួលកម្លាំងឲ្យតិចបំផុត និងនៅបណ្ដាចំណុចផ្សេងៗឲ្យមានចំនួនសមស្របបំផុត ដើម្បីធ្វើយ៉ាងណាភាគីទាំងពីរមានភាពបន្ថយនូវការប្រឈមមុខដាក់ គ្នា» ។

លោកឧត្តមសេនីយ៍ នាង ផាត បានមានប្រសាសន៍ផងដែរថា មេបញ្ជាការកងទ័ពទាំងសងខាងដែលត្រូវទទួលខុសត្រូវនៅតំបន់ជុំវិញ ប្រាសាទព្រះវិហារនោះ ត្រូវមានឋានៈត្រឹមវរសេនីយ៍ឯក ហើយថាទាហានដែលនៅសល់នឹងប្រើប្រាស់អាវុធធម្មតា ហើយមិនមានកាន់អាវុធធុនធ្ងន់នោះឡើយ ។ លោកក៏បានបន្តថា ព្រះសង្ឃ តាជី និងយាយជី នឹងបន្តស្នាក់នៅក្នុងវត្តប្រាសាទព្រះវិហារដដែល ។

លោកឧត្តមសេនីយ៍ នាង ផាត បានឲ្យដឹងថា ៖ «ខ្ញុំសូមជម្រាបផងដែរ ថា នៅមួយក្រុមយ៉ាងតូចនេះគឺយើងមានអាវុធធម្មតា ដូចជាអាវុធស្ពាយនឹងខ្លួន ហើយមេបញ្ជាការមានអាវុធខ្លី អាហ្នឹងគឺជារឿងធម្មតា ប៉ុន្តែមិនមានដល់អាវុធធុនធ្ងន់ទេ ដូចជាបេ៤០ ឬក៏អាវុធ មានកាំភ្លើងគេហៅស្វ័យប្រវត្តិធំៗ មិនមានទេ ។ សូមបញ្ជាក់គឺថាធ្វើឲ្យស្រាលបំផុត ហើយចំណែកព្រះសង្ឃ យាយជី ដូនជីយើង នៅដដែល ដើម្បីជាកន្លែងសម្រាប់យើងគោរពសាសនារបស់យើង» ។

លោកឧត្តមសេនីយ៍ នាង ផាត បានមានប្រសាសន៍ថាកងកម្លាំងដែលនៅសល់នឹងបន្តឈរជើងនៅតំបន់ប្រាសាទ ព្រះវិហារនោះដដែល ហើយរង់ចាំលទ្ធផលកិច្ចប្រជុំរវាងមន្ត្រីការបរទេសនៃប្រទេសទាំងពីរ ដែលនឹងប្រព្រឹត្តទៅនៅដើមសប្ដាហ៍ក្រោយនោះ ហើយថាភាគីយោធាទាំងអស់ត្រូវលុបលេណដ្ឋានដែលគេបានជីកនៅតំបន់ ប្រាសាទព្រះវិហារនោះផងដែរ ។

គួរជម្រាបថាទាហានថៃបានចូលមកកាន់កាប់វត្តកែវសិក្ខាគិរីស្វារៈ ហៅវត្តប្រាសាទព្រះវិហារ ដែលមានទីតាំងជិតប្រាសាទព្រះវិហារនោះ កាលពីថ្ងៃទី១៥ ខែកក្កដា ឆ្នាំ ២០០៨ បន្ទាប់ពីប្រាសាទព្រះវិហារត្រូវបានអង្គការយូណេស្កូសម្រេចដាក់ បញ្ចូលក្នុងបញ្ជីបេតិកភណ្ឌពិភពលោករួចមក ។

ទាហានថៃក្រោយមកបានបង្កើនកម្លាំងទ័ពពីរាប់សិបនាក់រហូតដល់ រាប់រយនាក់នៅតំបន់វត្តកែវសិក្ខាគិរីស្វារៈ ហៅវត្តប្រាសាទព្រះវិហារ ហើយបានថែមទាំងដាក់អាវុធធុនធ្ងន់ផងដែរ ៕

បក្សសមរង្ស៊ីនិងបក្សសិទ្ធិមនុស្សបដិសេធលទ្ធផលបោះឆ្នោត, គ្រោងប្ដឹងទៅអ.ស.ប. ខែសីហា 15, 2008

Posted by Bona in ព័ត៌មានក្នុងប្រទេស.
add a comment

ដោយ ម៉ៅ សុធានី

2008-08-14

គណបក្ស សមរង្ស៊ីនិងគណបក្សសិទ្ធិមនុស្ស បានបដិសេធលទ្ធផលបណ្តោះអាសន្ននៃការបោះឆ្នោតជាតិអាណត្តិទី៤នេះ ដោយបានចោទថា មានភាពមិនប្រក្រតីច្រើន។

RFA Photo/Thai Sothea

ស្រ្តី ចំណាស់ (ខាងឆ្វេង) ថ្លែងតវ៉ាអំពីការមិនបានបោះឆ្នោត នៅឯសន្និសីទកាសែតនៅទីស្នាក់ការគណបក្សសមរង្ស៊ីក្នុងក្រុងភ្នំពេញ នាថ្ងៃ៣០ កក្កដា ២០០៨។

កាលពីថ្ងៃអង្គារ ទី១២ សីហា កន្លងមកនេះ លោក សម រង្ស៊ី បានប្រកាសថា លោកនឹងធ្វើការប្តឹងបន្តទៅអង្គការសហប្រជាជាតិ (អ.ស.ប.) និងសហភាពអឺរ៉ុបដើម្បីបង្ហាញភស្តុតាងដែលប្រមូលបានពីភាពមិន ប្រក្រតីទាំងនោះ។

លោក សម រង្ស៊ី បានបញ្ជាក់ថា ប្រសិនបើការបោះឆ្នោតនេះ មានភាពសេរី ត្រឹមត្រូវ និងយុត្តិធម៌ គណបក្សប្រជាជនកម្ពុជា អាចបានទទួលអាសនៈតែ៧៥ប៉ុណ្ណោះ មិនមែន៩០កៅអីឡើយ ហើយគណបក្សសមរង្ស៊ីវិញ នឹងបានទទួលយ៉ាងតិចក៏ ៣៦អាសនៈដែរ មិនមែនតែ ២៦កៅអីទេ។

លោក អ៊ូ ច័ន្ទរ័ត្ន អគ្គលេខាធិការគណបក្សសិទ្ធិមនុស្ស បានបញ្ជាក់ថា គណបក្សលោកគាំទ្រចំពោះការបន្តប្តឹងដល់អ.ស.ប. និងសហភាពអឺរ៉ុប៕